ԱՆԳԼԵՐԵՆԻ ԱՅԲՈՒԲԵՆԸ

Անգլերենի այբուբենը

Aa	էի	Nn	էն
Bb	բի	Oo	օու
Cc	սի	Pp	փի
Dd	դի	Qq	քյու
Ee	է	Rr	ար
Ff	էֆ	Ss	էս
Gg	ջի	Tt	թի
Hh	էյիչ	Uu	յու
Ii	այ	Vv	վի
Jj	ջեի	Ww	դաբլյու
Kk	քեի	Xx	էքս
Ll	էլ	Yy	ուայ
Mm	էմ	Zz	զեդ

1. Տառեր, որոնց համապատասխանում է մեկ հնչյուն

Bb	բ	Kk	ք	Pp	փ
Dd	դ	Ll	լ	Qq	ք
Ff	ֆ	Mm	մ	Vv	վ
Jj	ջ	Nn	ն	Zz	զ

2. Տառեր, որոնք ընթերցվում են տարբեր կերպ

Aa	Hh	Ss	Xx
Cc	Ii	Tt	Yy
Ee	Oo	Uu
Gg	Rr	Ww

3. Վանկ: Բաց վանկ: Փակ վանկ: Բառի շեշտ

Անգլերեն ճիշտ ընթերցելու համար կարևոր է գաղափար կազմել վանկի մասին: Որպես կանոն վանկը պարունակում է առնվազն մեկ ձայնավոր, առանց ձայնավորի վան չկա: Վանկը
արտասանվում է մեկ շնչով: Վանկերը լինում են բաց և փակ:

ա. Բաց է համարվում անգլերենում այն վանկը, որը վերջանում է ձայնավորով:
Օրինակ` he, my, no, she, hi, we, do, go, to, sky

բ. Բաց է համարվում վանկը, երբ ձայնավորից հետո կա մեկ բաղաձայն (կամ չկա ոչ մի
բաղաձայն), որից հետո պարտադիր կա համր -e: Այս տառը համարվում է <<համր>>,
որովհետև այն չի ընթերցվում:
Օրինակ` name, time, tie, note, file, male, like
գ. Փակ է համարվում վանկը, երբ այն ավարտվում է բաղաձայնով:
Օրինակ` dad, sit, put, cat, dot, lot, sun, man
դ. Փակ է համարվում վանկը, երբ վանկի ձայնավորից հետո կա մեկից ավել` մի քանի
բաղաձայն, չնայած որ դրանից հետո բառավերջում կա համր -e:

Օրինակ` meddle, middle, apple, finance, fiddle, fickle, little
Միևնույն ձայնավորը բաց և փակ վանկերում ընթերցվում է լրիվ տարբեր կերպ:
Անգլերենում բառն ունի շեշտ: Ձայնավորի ընթերցանության կանոնները վերաբերում են միայն շեշտված վանկին: Միավանկ բոլոր բառերը շեշտված են: Կարող են չշեշտվել դերանունները, հոդերը, նախդիրները, օժանդակ, մոդալ և այլ սպասարկու բայերը: Չշեշտված վանկերում ձայնավորը սովորաբար ընթերցվում է փակ վանկի ընթերցանության համաձայն, կամ ընթերցվում է <<շըվա>> հնչմամբ, կամ էլ` չի ընթերցվում:

Ածանցավոր բառերի դեպքում նախածանցը կամ վերջածանցը սովորաբար չի շեշտվում: